सिरमोरी आवाज डाट कोम दा तुंवारा स्वागत ओसो

इयों वैबसाइट खे देखणौ वाल़े सारे सिरमौरी भाषा बोलणे वाल़ो का स्वागत औसो। औरौ आशा असो जै तुअंखै सबी इथ्के द्वारा लाब उठाओ। इओं वैबसाइट का मुख्य काम ऐशै खै औसो जै सिरमौरी भाषा खै बोलणे वाल़े सभै लोग पवित्र ग्रन्थ बाइबल के आपणे ही भाषा में जाणे सको, शुणे सको औरौ इयों वैबसाइट पान्दी बाइबलों की काहणी औरौ नाटक, गाणे, कविता, समाजो खै जागरुक करणों खै, शब्द भण्डार औसो औरौ सिरमौरी खै बारे में असो। इयों आपणे भाषा में शुणने औरौ देखणे खै लिए इयों वैबसाइट को बार-बार देखो। प्रभु तुअंखै सबी आशिश देंऔं 

इथ्के बाद मुंऐ नजर मारे औरो देखौ जै हर एक जाते औरौ कुलो औरौ भाषा खै एक ऐशणें बौड़े भीड़ जिईयों खै कुऐं भै गिणैं ना सको थिया, सफ़ेद कपड़े बामियोंदा औरौ आपणे हाथो दी खजुरों की डाल़ी लोइयो खै सिंगासनो खै सामणे औरौ भेड़ौ जु येशु खै दर्शाओं सामणे खड़े औसो। (प्रकाशितवाक्य ७:९) 

सिरमौर जिला भारत देशो हिमाचलो प्रदेशो के लगभग दक्षिण पश्चिमो जिला औसो औरौ एजा जिला मुख्य रुपो में पहाड़ी औरौ गावं का इलाका औसो। ऐसी जिले की कुल 90 प्रतिशत जणसख्यां गावं दी बसो औरौ ऐसी जिले दे एक नाम असो जिथ्को नाम नाहण थिऊ औरौ नाहण नाम का नगर पुराणें राजधाणें थे औरौ साथ ही सुकेती नाम में एक शिवालीक जिवावशेष नाम का पार्क असो जिथे लाख़ों लाख़ पुराणा जिवावशेष पाऐ जांओ। ऐसी जिले दे दस तसिलों पाई जांओ असो जिथके नाम नाहण, पाँवटा साहिब, रेणुका, संगडा, शिलाई, कमरऊ, सरांह, पच्छात, राजगस़, ददाऊ असो औरौ इथे का मुख्य कमाइयो का साधन खेती बाड़ी असो। औरौ इथे के किसान अदरक औरौ आलु की खेती करौ औरौ सिरमौर जिले दे अच्छे- अच्छे किस्मो के आड़ु के लिए भे काफी मशहुर असो। औरौ जादा करेयो राजगड़ इलाके मे पाए जांओ औरौ इथ्कु नाम आड़ु का प्याला भै बोलो असो। पाँचटा साहिब तैहसिल के इलाके में धौलाकुओं नाम के एक जगाह में असो जिथे फलो का सरकारे निरीक्षण केंद्र असो। सिरमौर जिले दे आमों औरौ सेबों की खेती भै औंवे औरौ इनी दीनों में इथे के किसान टमाटर के खेती करणें भै काफी पसंद करे लौऐ। गिरे नदै सिरमौर जिले खै दु भागो दा बांडे देवों गिरे पार औरौ गिरे आर के नाम से बांड़े अन्दे असो। 

Download Free Pahari Christian Bible Stories,Songs,Poems,Dramas etc.